Zyrtarët amerikanë dhe ata ukrainas u takuan në SHBA të dielën për të vijuar përpjekjet për të vendosur në një rrugë drejt paqes Kievin dhe Moskën.
Nga pala amerikane ishin të pranishëm Sekretari i Shtetit Marko Rubio dhe dplomatët Steve Witkoff dhe Jared Kushner, ndërsa nga Ukraina mbërriti delegacioni i ri i udhëhequr nga ish-ministri i mbrojtjes Rustem Umerov. Sipas raportimeve nga të dyja palët bisedimet në Florida ishin produktive.
“Ne vazhdojmë të jemi realistë për sa e vështirë është kjo, por optimistë, veçanërisht duke pasur parasysh faktin se ekziston një vizion i përbashkët këtu që kjo nuk ka të bëjë vetëm me përfundimin e luftës. Bëhet fjalë për sigurimin e së ardhmes së Ukrainës, një të ardhme që shpresojmë të jetë më e begatë se kurrë më parë”, tha Rubiu.
Diskutimet vijnë pas një sërë negociatash të reja rreth një propozimi amerikan i cili i kërkon Ukrainës të bëjë lëshime të rëndësishme, përfshirë lëshim territori.
Një sërë diskutimesh pritet të mbahen edhe këtë të hënë me dyshen amerikane, Witkoff-Kushner që do të udhëtojnë drejt Moskës dhe presidentin ukrainas Zelensky që do të mbërrijë në Paris për tu takuar me Macron.
Pozicioni i Ukrainës në bisedime po shihet i vështirë duke marrë parasysh edhe tensionin brenda vendit pas një skandali korrupsioni që ka përfshirrë zyrtarë të lartë.
