Negociatat/ Basha: U dëshmua që BE mbështet Shqipërinë! Tani gjithçka në dorën tonë
Kryetari i Partisë Demokratike, Lulzim Basha ka reaguar pas vendimit të ministarve të BE-së për hapjen e negociatave me Shqipërinë dhe Maqedoninë e Veriut.
Lideri demokrat e ka cilësuar vendimin për dy vendet e Ballkanit Perëndimor një dëshmi që BE mbështet Shqipërinë. Ai shtoi se tani është në dorën tonë për përmbushjen e kushteve të vendosura.
“Vendet anëtare të BE-së dëshmuan sot se e mbështesin Shqipërinë dhe shqiptarët me shprehjen e vullnetit për të hapur negociatat. Tani gjithçka është në dorën tonë për të përmbushur të gjithë kushtet e vendosura për nisjen e tyre”, shkruan Basha.
Ministrat e vendeve te BE vendosën këtë të martë të ndezin dritën jeshile për Shqipërinë dhe Maqedoninë e Veriut. Lajmin e dha ministri gjerman, Michal Roth.
