Nedim Bajrami show, gola dhe asist në fitoren me përmbysje të Empolit

Kuqezinjte ishin protagonist në javën e fundit të kampionatit Italian.

Pas golit të Manajt me fanelën e Spezias, dhe rikthimit si titullar të Strakoshës në portën e Lacios, e hëna rezervoi të tjera emocione.

Kjo për meritë të fantazistit të kombëtares sonë Nedim Bajrami, I cili shënoi një gol dhe dha një asist në duelin që Empoli fitoi me përmbysje 3 me 1 kundër Udineses.

Friulanet në fakt kishin shënuar të parën në duelin e vlefshëm për javën e 16 të kampionatit italian, falë një perle të Delofeut.Pjesa e parë u mbyll me këto shifra ndërsa toskanet përmbysen gjithcka në pjesën e dytë. Fillimisht barazoi Stojanovic.Pastaj erdhi radha për shoun e Bajramit. Fillimisht goli I përmbysjes 2 me 1 në minutën e 60 pas një aksioni të gjatë të vendasve.

Më tej një asist për Pinamontin në rastin e golit të tretë. Një paraqitje për tu festuar pas disa ndeshjesh radhazi ku ai kishte humbur vendin e titullarit.

Nota 7.5 për të nga mediat italiane, më e larta për Empolin, ndërsa Ujkani dhe Ismajli qëndruan në stol. Në duelin tjetër që mbylli javën e 16 dhe që u tranmetua në Tring, Kaljari dhe Torino u ndanë në barazim 1 me 1. Etrit Berisha qëndroi sërish në stol tek skuadra e Torinos.