Gjykata e posacme ka në duar cështjen ndaj kryebashkiakut të zgjedhur të Himarës Fredi Beleri për të vendosur nëse dosja që SPAK ka depozituar, do t’i nënshtrohet apo jo gjykimit në themel.
Gjyqtares së Posaçme, Flojera Davidhi, ligji i jep tri mundësi vendimmarrjeje, atë të nisjes së procesit gjyqësor, pushimit të akuzave ose kthimit për rihetim nga prokurorët, Adnan Xholi dhe Dorina Bejko.
Këta të fundit e mbrojtën akuzën e Korrupsionit zgjedhor që i është ngritur Fredi Belerit, duke i kërkuar gjykatës ta marrë atë zyrtarisht të pandehur, pasi gjetjet janë të mjaftueshme.
Ndërsa, përfaqësuesit ligjorë të Fredi Belerit i kërkuan gjykatës të pushohet çështja me argumentin se provat mungojnë. Po ashtu, ata kërkuan që aktet e SPAK të shpallen të pavlefshme pasi sipas tyre janë në kundërshtim me ligjin.
Më herët në gjykatë për të ndjekur seancën u paraqit edhe kreu i PBDNJ, Vangjel Dule, i cili për mediat u shpreh se gjykata po e mban padrejtësisht Belerin në qeli.
VANGJEL DULE
KREU I PBDNJ
Beleri në mënyrë të padrejtë në kundërshtim me parimin botërisht të respektuar të prezumimit të pavarësisë ndalohet të kryej betimin si kryebashkiak i zgjedhur. Mjafton t’ju përmend rastin e një deputeti të zgjedhur i cili ishte i paraburgosur dhe u lejua që të kryeje betimin si deputet. Drejtësia duhet që pataten e nxehtë ta trajtojë me frymën e ligjit germën e ligjit të praktike të njohura botërisht. Askush nuk ka të drejtë ta paragjykojë procesin gjyqësor.
Çështja “Beleri” ka sjellë përplasjen e Tiranës dhe Athinës zyrtare, pasi kjo e fundit pretendon se qëndrimi në burg i tij është I motivuar politikisht.
Beleri u arrestua 2 ditë përpara votimeve të 14 majit, nën akuzën e shitblerjes se votave.
