Në Moskë vdiqën 5 mijë njerëz më shumë në maj se një vit më parë
Moska raportoi 15.713 viktima nga koronavirusi gjatë majit. Referuar autoriteteve shëndetësore, kjo do të thotë se krahasuar me një vit më parë, muajin e kaluar në kryeqytetin rus kanë vdekur 5.260 njerëz më shumë.
Zyrtarët thonë se në këtë statistikë kanë përfshirë “madje edhe rastet më të debatueshme”, duke shtuar se vetëm në 2,757 raste koronavirusi është regjistruar si shkaku kryesor i vdekjes.
Numri zyrtar i vdekjeve të Covid-19 në Rusi ka qenë relativisht i ulët në krahasim me vendet me numër të ngjashëm të infeksioneve të përgjithshme dhe vëzhguesit kanë vënë në dyshim metodat zyrtare të numërimit.
Në fund të majit, zyrtarët e Moskës rishikuan numrin e vdekjeve COVID-19 për prillin, duke rritur numrin e dokumentuar të vdekjeve që i atribuohen koronavirusit në 1.561 nga 636 që ishin më parë.
