I ftuar në emisionin “Ferma Club”, Donaldi vëllai i konkurrentes Ester, komentoi rrugëtimin e saj në reality show-n “Ferma VIP”. Ai foli me ndjenjë dhe krenari për motrën e tij, duke theksuar se Ester është njësoj si në jetën reale: e sinqertë, e ndjeshme dhe e rezervuar kur vjen puna te ndjenjat.
“Ester është njësoj siç e njohim ne, familja dhe shoqëria. Nuk i fsheh emocionet dhe e ka bërë të qartë gjithçka. Mbase publiku është keqkuptuar për marrëdhënien me Limin, ka një energji të këndshme mes tyre, por nuk shoh një ndjenjë të thellë nga ana e saj,” tha Donald.
Ai sqaroi se Ester nuk ka një lidhje jashtë shtëpisë dhe është e fokusuar në rrugëtimin e saj në fermë. “Mendoj që Ester është e rezervuar dhe di çfarë kërkon. Unë si vëllai i saj e kuptoj shumë qartë. Nuk ka asgjë që s’më ka pëlqyer në sjelljen e saj jam shumë krenar për të,” përfundoi ai.
/vizionplus.tv
