Policia e Dibrës ka vënë në pranga një 39-vjeçare, e cila rezulton e shpallur në kërkim ndërkombëtar.
Blutë e Dibrës bëjnë me dije se 39-vjeçarja me iniciale A.Gj u arrestua me qëllim ekstradimin në Itali.
Kjo shtetase ishte shpallur në kërkim ndërkombëtar, pasi Gjykata e Romës, Itali, ka lëshuar urdhër arresti ndërkombëtar, për kryerjen e veprës penale “Prodhimi dhe shitja e lëndëve narkotike”, në bashkëpunim, parashikuar nga legjislacioni penal italian.
Vijojnë procedurat për ekstradimin e kësaj shtetaseje në Itali./vizionplus.tv/
