Kandidatja për deputete e PS në Tiranë, Najada Çomo tregoi këtë të martë se ndonëse është në garë, aktivitetet politike për të janë të pakta.
Gjatë një interviste për edicionin qendror të lajmeve në “Vizion Plus”, Çomo u shpreh se diçka të tillë nuk ja lejon detyra tjetër që ka, lufta ndaj pandemisë.
“Jam në frontin e pandemisë, nuk jam shkëputur asnjë ditë, edhe pse jam lançuar si kandidate për deputete. Janë shumë të pakta akvititetet e mija politike sepse anghazhimi im maksimal do të jetë në betejën me COVID. Isha e vlerësuar dhe e surprizuar, jam e bindur në vendimin që kam marrë për të qenë pjesë e skuadrës së PS.”
E pyetur nga gazetari Aleksandër Furxhi nëse e sheh veten pjesë të kabinetit qeveritar nëse PS fiton zgjedhjet, Najada Çomo e mohoi diçka të tillë.
