Rreth 2527 kuti janë numëruar deri tani në rang vendi nga 5362 që janë në total. Nga të dhënat e fundit bëhet me dije se Partia Socialiste ka humbur 2 mandate përfshirë këtu Korçën, ndërsa Partia Demokratike ka shkuar në 41 mandate.
Partia Socialiste në rang vendi ka 356210 vota/ 51.49%, 75 mandate, ndërsa Partia Demokratike ka 205378 vota/ 29.53%, 41 mandate, ndjekur nga LSI me 106899 vota, 15.37%, 20 mandate dhe PDIU me 31130 vota/ 4.48%, 3 mandate të fituara.
Ndërkaq, KQZ bëri me dije sot se rezultatet e plota mund të dalin në mbrëmje rreth orës 22:00, por diçka e tillë duket e pamundur, pasi në disa qendra votimi, numërimi ka ndaluar me arsyetimin se numëruesit ndihen të lodhur.
