Tre persona, klientë në një lokal në Elbasan, u arrestuan nga policia.
Shtetasit Jani Tafani, 52 vjeç, Dritan Begolli, 42 vjeç dhe Olsi Ebeja, 39 vjeç, të tre banues në Elbasan, kundërshtuan dhe goditën punonjësit e policisë, të cilët kishin shkuar në lokalin ku ndodheshin ata për ta mbyllur.
Lokali në pronësi të shtetasit R.T. qëndronte i hapur dhe gjeneronte muzikë, pavarësisht se orari i lejuar kishte kaluar.
“Në momentin që ka shkuar Patrulla e Përgjithshme për të mbyllur lokalin dhe ndëshkuar me masë administrative pronarin e lokalit, shtetasit e lartpërmendur, që ishin klientë në këtë lokal kanë tentuar për të penguar me forcë punonjësit e policisë për të vendosur masën administrative pronarit të lokalit”, thuhet në njoftimin e policisë.
Pronari i lokalit u gjobit me 1.000.000 lekë.