Ndjekje si në filma/ Shqiptari qëllon patrullën në Itali

Një ngjarje si nëpër filma ndodhi këtë të enjte në Itali, me protagonist një shqiptar. Mediat italiane raportojnë se shqiptari, identiteti i të cilit nuk dihet, ka qëlluar me armë ndaj një polici në një pikë kontrolli në Colonnella.

Pasi qëlloi drejt punonjësit të policisë, ai u arratis nga vendi i ngjarjes me një “Skuter” dhe u nis drejt një fshati. Kur mbërriti aty, mori një makinë për të humbur gjurmët nga policia.

Por tentativat ishin të kota, pasi ai u arrestua në zonën e Askolanos. Nuk është e qartë për momentin nëse arratisja e tij ishte e lidhur me një vjedhje të kryer në qendrën tregtare Colonnella mëngjesin e të enjtes.