Lulzim Balla, një nga emrat më të njohur të kameras televizive ndër vite në Shqipëri, ka ndërruar jetë në moshën 74 vjec. Ai humbi betejen me semundjen e rëndë që e kishte munduar aq shumë vitet e fundit.
Balla është një nga emrat ikone të kameras televizive në vendin tonë para dhe pas viteve të demokracise. Lulzim Balla e nisi karrieren e gjatë në televizion në transmetuesin publik RTSH, dekada më parë. Me fokusin e kameras së tij ishte pjesë e sa e sa studiove dhe kronikave televizive.
Pas kontributit shumëvjecar në televizionin publik, Balla iu bashkua televizionit Vizion Plus në mesin e viteve 2000 duke dhënë një kontribut për t’u vlerësuar edhe në rritjen e brezave të rinj të operatoreve. Vec kësaj Luli, do mbahet mend nga miqtë dhe koleget e botës së televizionit si njeri i qetë i dashur dhe shumë bashkëpunues.
Për të gjithë kontributin ndër dekada të dhëna në fushën e medias, Lulzim Balla u nderua pak kohë më parë me titullin “Mjeshter i Madh” nga Presidenti i Republikës.
