Ndërron jetë në moshën 66 vjecare artisti Valter Gjoni.
Gjoni ishte infektuar me Covid-19 dhe nuk ia ka dalë të fitojë betejen me semundjen.
Lajmi për ndarjen e tij nga jeta u bë nga djali Klevis Gjoni në rrjete sociale.
Valter Gjoni lindi në Tiranë dhe përfundoi studimet në Akademinë e Arteve.
Gjoni në fillim punoi si aktor dhe regjisor në Trupën Artistike të Ushtrisë, në Teatrin Popullor (Kombëtar), pranë kinostudios “Shqipëria e Re” dhe RTSH.
Gjoni luajti në mbi 60 role në teatër, 8 në kinematografi, ka realizuar 5 filma dokumentarë, ka kryer mbi 20 ekspozita etj.
Ai mban disa tituj nderi brenda dhe jashtë vendit, ku titulli më i larta është Kalorës i Urdhrit të Meritës së Republikë Franceze dhe Urdhrin “Naim Frashëri” i Republikës së Shqipërisë dhe “Mirënjohja e Qytetit të Tiranës”.
Prej shumë e shumë vitesh ka punuar në Bashkinë e Tiranës ku mbante edhe detyren e Drejtorit të Protokollit.