Policia e Dibrës procedoi penalisht pesë anëtarë të një grupi të ngritur nga PD për mbrojtjen e votës së lirë.
Ata ndaluan dhe kontrolluan një makinë, me të cilën udhëtonte një punonjëse e Postës Maqellarë, që shpërndan pensionet.
Mbështetësit demokratë dyshuan se ajo po shpërndante lekë për blerjen e votës. Por policia tha se në makinë nuk u gjet asnjë send kompromentues në lidhje me procesin zgjedhor.
Simpatizantët e PD janë nën hetim për veprën penale “Kundërshtim i punonjësit që kryen një detyrë shtetërore ose një shërbim publik”.
