Spektakli i NBA vijon siparin e ndeshjeve duke dhuruar emocione dhe grintë deri në sekondën e fundit.
Ndeshja më me interes ishte padyshim ajo mes Los Angeles Lakers që mposhtën me shifrat 117-91 Golden State. Një triumf me rëndësi ky për kampionët në fuqi të cilët ngjiten në vendin e dytë në Konferencën e perëndimit.
Sa i përket historisë së lojës, Lakers ishin dukshëm më mirë në parket ndërsa diferencën e beri si gjithmonë Le Bron me 19 pikë të shënuar. Megjithatë Lakersat po tregojnë që përveç titullarëve në parket edhe lojtarët e stolit po kalojnë një superformë, pasi ishin protagonist të 55 pikëve.
Ndërkohë Los Angelos Klipërs janë ndalur në një disfatë mes vuajtjesh nga Bucks me rezultatin final 105-100. Protagonisti kryesor i takimit ishte i zakonshmi Giannis që u bë autor i plot 36 pikëve. Një triumf që afron Bucks me Philadelphia e Brooklyn në krye të renditjes në Konferencën e Lindjes.
Edhe Boston Celtiks siguroi një fitore në sekondat e fundit të sfidës përballë Washington Wizards . 111-110 ishte rezultati final në parket në një sfidë që nisi mes emocionesh dhe përfundoi si e tillë. Basketbollisti Xhejson Tatum po tregon çdo ndeshje formën e tij të mirë teksa dhe këtë herë realizoi plot 31 pikë për Celtics duke dhënë kontributin e tij në skuadër. Takimet u transmetuan ekskluzivisht në platformën TRING.
