NATO refuzoi kërkesën e Rusisë për të tërhequr trupat e saj nga Rumania dhe Bullgaria. Ky vendim vjen në një moment ku zyrtarët e perendimit edhe Moskës po vijojnë përpjekjet diplomatike për të parandaluar një sulm të mundshëm ndaj Ukrainës. Situata ka qënë e tensionuar pasi Rusia ka grumbulluar rreth 100 mijë trupa pranë kufijve të Ukrainës.

 

OANA LUNGESCU

ZËDHËNËSJA E NATO-SË

“NATO-ja nuk do të heqë dorë nga e drejta për të mbrojtur njëri-tjetrin, përfshirë praninë e trupave në pjesën lindore të aleancës. Ne hedhim poshtë çdo ide për sfera ndikimi në Evropë. Ne gjithmonë do t’i përgjigjemi çdo përkeqësimi të mjedisit tonë të sigurisë, edhe me forcimin e mbrojtjes sonë kolektive, NATO-ja është vigjilente dhe vazhdon të vlerësojë nevojën për të përforcuar pjesën lindore të Aleancës sonë.”

 

Moska ka kërkuar nga NATO-ja që të ndalojë zgjerimin në vendet e lindjes, si dhe të tërheqë të gjitha trupat e huaja, armët dhe pajisjet e tjera ushtarake nga Rumania dhe Bullgaria.

 

Një ditë më parë, në përpjekje për të gjetur një zgjidhje, sekretari  amerikan i shtetit, Antony Blinken takoi homologun e tij rus, Sergei Lavrov. Por, bisedimet e  Gjenevës dështuan të prodhonin një rezultat. Palët mbetën të palëvizura nga qëndrimet e tyre, ndërsa Blinken ritheksoi se i takon Moskës të zgjedhë mes diplomacisë dhe konfliktit.

 

 

Leave a Reply

Your email address will not be published. Required fields are marked *