Ndërsa 10 naftëtarët ndodhen të ngujuar në ambientet e rafinerisë, kolegët e tyre kanë zhvilluar një tjetër protestë, lidhur me çështjen e pagave të prapambetura.
Në mungesë të një përgjigjeje ata paralajmëruan bllokim të rrugëve me qëllim zgjidhjen e kësaj problematike të krijuar ndër vite.
SOKOL DAUTAJ
KREU I SINDIKATËS SË NAFTËTARËVE TË BALLSHIT
Ministrja e Drejtësisë, ua zgjidhi hallin të burgosurve, dhe ajo e Shëndetësisë mjekëve, po ministrja jonë ku është. Pse nuk flet?
Me thirrjet “Uzina është e jona”, naftëtarët marshuan më pas në rrugët e qytetit të Ballshit. Punonjësve të rafinerisë iu bashkuan dhe qytetarë të tjerë.
Naftëtarët ndaluan para bashkisë, ndërsa kërkuan reagim nga institucion. Kjo është dita e 15 të grevës, ndërsa gjendja shëndetësore e grevistëve vazhdon të përkeqësohet.