E vënë shpesh herë në qendër të debatit për vonesat në shpërndarjen e naftës për fermerët, ministrja e bujqësisë Frida Krifca ka vënë një afat se kur do të përfundojë ky proces.
Teksa inspektoi një nga fermat në zonën e Lushnjës, ministrja tha se I gjithë stafi në drejtoritë rajonale është në punë edhe në fundjave me qëllim përfundimin sa më parë të naftës pa taksa për fermerët
Ne I kemi vënë tashmë një afat vetes. Deri në datën 2 Qershor do të kemi të përfunduar shpërndarjen e të gjithë kartave për naftën që I takon fermerëve. Grupet e punës janë duke punuar edhe të shtunen dhe të dielën me qëllim përfundimn e këtij afati. Kemi ecur me këtë proces gati dy herë më shpejt se cdo vit tjetër, ndërsa fondi total i naftës së kontraktuar arrin në 1.45 miliard lekë- u shpreh Krifca.
Gjergji Lici është një prej fermerëve të zonës së Lushnjës sipas të cilit ky sezon me gjithë vështirësitë që mbart sektori duket më I mbarë se të tjerët.
Këtë vit aplikimi I fermerëve për të përfituar nga skema e mbështetjes buxhetore arriti një shifër rekord prej 49 mijë aplikime për të përfituar një fond prej 3.8 mld lekësh në total.
