Në kuadër të 18 Majit, “Ditës Ndërkombëtare të Muzeve”, muzeu Etnografik I Beratit së bashku nxënës së shkollave të mesme jopublike organizuan projektin “Artizani dhe Brezi i ri” që u mbajt në datë 16 dhe 17.
Projekti kishte në qendër peisazhin dhe vlerat kulturore e natyrore që muzeu Etnografik mbart si dhe njohjen me mjeshtërinë e punimit të leshit.
Në ditën e parë të aktivitetit, nxënësit së bashku me specialistët e muzeut organizuan një vizitë në fshatin Roshnik të rrethit Berat ku u njohën me agroturizimin e zonës.
Gjatë vizitës, nxënësit u njohën edhe me teknikën e ngjyrosjes së leshit. Një tekninë kjo e përdorur para shekullit të XIX, ku bimë të veçanta mblidhen dhe përpunohen me qëllim që t’I jepet ngjyrë leshit.
Ndërsa në ditën e dytë gjimnazistët vizituan ambientet e muzeut ku mjeshtrit artizanë treguan teknikën e përpunimit të leshit.
Synimi këtij aktiviteti, sipas specialistes së trashëgimisë kulturore në muzeun Etnografik, Elena Uznova ishte transmetimi i njohurive etnografike tek brezi i ri.
Elena Uznova tha gjithashtu se të rinjtë duhet të dinë se cilat vlera gjenden në peizazhet e tyre kulturore dhe se si përdoreshin këto vlera nga të parët tanë.
Elena Uznova, specialiste e trashëgimisë kulturore në muzeun Etnografik te Beratit
