Gazetari dhe analisti Arbër Hitaj ka komentuar zhvillimet e fundit politike në vend, por edhe në arenën ndërkombëtare.
I ftuar në Quo Vadis të moderatores Pranvera Borakaj në Vizion Plus, Hitaj tha se mungesa e Edi Ramës në Davos është për arsyet që ka cituar kryeministri, i cili qëndroi në Shqipëri për të takuar vajzën e presidentit Donald Trump, Ivanka Trump.
Pjesë nga biseda:
Mungesa e Ramës në Forumin e Davosit, si e shikon këtë mungesë?
Hitaj: Unë nuk besoj se zoti Rama ka luksin të gënjejë kur flitet për raportet me SHBA-në. Nëse thotë atë që ka thënë sot, ajo është arsyeja. Edhe një fotografi që ishte bërë në Davos tregonte një karrige bosh. Ka disa shtete që kanë rezervat e tyre. Edhe aludimet që janë ngritur, unë besoj se nuk ka arsye tjetër përveç asaj që ka thënë zoti Rama. Shqipëria është ftuar.
Borakaj: Mund të kishte shkuar herët në mëngjes?
Hitaj: Ftesa është për kryeministrin e Shqipërisë, zotin Rama. Trump e tha që këtu janë të gjithë ata që dua. Kjo nuk është një iniciativë vetëm për Gazën, shkon përtej. Mund të jetë edhe ndonjë lloj organizmi që mund të zëvendësojë OKB-në. Gaza nuk ka nevojë për një aleancë kaq të madhe; qasja e zotit Trump shkon përtej.
