Sot vendi do të dominohet nga vranësira, të cilat pas mesditës do të shfaqen më të dendura kryesisht në zonat malore. Që në orët e para të mëngjesit të së premtes priten reshje shiu me intensitet të ulët deri mesatar. Në Ultësirën Perëndimore dhe në jugperëndim reshjet do të jenë më të dendura, herë pas here në formë shtrëngatash afatshkurtra, të shoqëruara me shkarkesa elektrike.
Gjatë orëve të mesditës dhe pasdites reshjet do të vazhdojnë, por me intensitet më të ulët dhe të përqendruara kryesisht në zonat malore. Era do të fryjë nga drejtimi jugperëndimor – perëndimor me shpejtësi mesatare rreth 8 m/s, ndërsa përgjatë luginave dhe vijës bregdetare mund të arrijë deri në 12 m/s.
Në detet Adriatik dhe Jon parashikohet valëzim i lehtë deri mesatar, me forcë 1–3 ballë.
Temperaturat do të luhaten nga 10°C minimalja deri në 23°C maksimalja në rang territori.
/vizionplus.tv
