Për ditën e sotme, vendi ynë do të vijojë të ndikohet nga kushte atmosferike të paqëndrueshme. Moti parashikohet kryesisht me alternime vranësirash dhe intervale të shkurtra me kthjellime.
Reshjet e shiut do të jenë të herëpashershme, të pranishme që nga orët e para të 24-orëshit deri në mesditë, në pjesën më të madhe të territorit me intensitet të ulët. Lokalisht, në zonat qendrore dhe perëndimore, reshjet mund të shfaqen në formën e shtrëngatave afatshkurtra.
Në Alpe dhe në relievet e larta malore të verilindjes dhe juglindjes priten reshje bore me intensitet kryesisht të ulët.
Era do të fryjë me drejtim juglindje–veriperëndim, me shpejtësi mesatare rreth 6 m/s, ndërsa përgjatë vijës bregdetare dhe në zonat luginore do të arrijë deri në 9 m/s. Valëzimi në det parashikohet i forcës 1–2 ballë.
Temperaturat do të shënojnë vlera minimale deri në 2°C dhe maksimale rreth 13°C në rang territori.
/vizionplus.tv
