Sot pritet një ditë me mot të qëndrueshëm dhe kryesisht të kthjellët në të gjithë territorin e Shqipërisë. Vranësira të lehta dhe kalimtare do të shfaqen vetëm në zonat malore, ku nuk përjashtohen reshje të izoluara dhe të dobëta shiu.
Temperaturat do të jenë mjaft të larta në të gjithë vendin. Në qytete si Tirana, Elbasani dhe Gjirokastra priten vlera maksimale që shkojnë deri në 39°C. Edhe në zonat bregdetare, si Durrësi, Vlora dhe Saranda, termometri do të shënojë temperatura të larta, nga 35°C deri në 38°C. Zonat malore, si Kukësi, Peshkopia dhe Bajram Curri, gjithashtu do të përjetojnë një ditë të nxehtë, me temperatura që do të kalojnë 34°C.
Era do të fryjë nga drejtimi veriperëndimor në juglindje, me një shpejtësi mesatare prej 6 metra në sekondë, ndërsa në zonat bregdetare dhe luginore mund të arrijë deri në 12 m/s.
Kushtet në det do të jenë të qeta, me valëzim të ulët në forcën 1 deri në 2 ballë, duke krijuar një ditë të përshtatshme për pushuesit në vijën bregdetare.
/vizionplus.tv
