Nisur nga moti i keq, me reshje të dendura shiu në disa zona të vendit kryesisht në Tiranë, Durrës, Elbasan Krujë, Lezhë, Shërbimi i Policisë Rrugore tërheq vëmendjen e drejtuesve të mjeteve të bëjnë kujdes të veçantë sidomos sa I takon shpejtësisë.
Policia u kërkon të gjithë drejtuesve që të mos kalojnë shpejtësinë e mjeteve më shumë se 50 Km/h nëse dukshëmria është me e vogël se 100 metra.
Po ashtu në situatën e rënduar të motit në tunele, në hyrje dhe në brendësi të tyre policia bën apel që:
• Zvogëloni shpejtësinë;
• Aktivizoni ajrin riqarkullues të kabinës së mjetit;
• Nëse konstatohet rrezik ndaloni para hyrjes së tuneleve;
• Mbani krahun e djathtë;
• Respektoni shpejtësinë e lejuar të treguar nga sistemi i sinjalizimit;
• Aktivizoni sinjalin bllokues në rast rreziku;
• Bëni kujdes nga ndryshimi i kushteve atmosferike, mbi sipërfaqen e rrugës;
• Bëni kujdes nga ndryshimi ndriçimit në hyrje dhe dalje të tunelit.
Ndërsa në raste përfshirje aksidentes drejtuesit e mjeteve duhet të mbajnë parasysh:
• Mos lëvizni nga vendngjarja;
• Telefononi menjëherë në numrin 112 dhe prisni mbërritjen e ndihmës së parë;
• Jepni informacion për emrin dhe numrin tuaj të telefonit, vendin ku ka ndodhur ngjarja dhe nëse nevojitet ndërhyrja;
• Aktivizoni sinjalin bllokues të rrezikut;
• Sigurohuni që jeni të dukshëm nga të tjerët (vishni jelek fosforeshentë) dhe evitoni mundësinë e ndodhjes së ndonjë aksidenti tjetër ose rëndimin e pasojave;
• Vendosni trekëndëshin e rrezikut në distancë të mjaftueshme;
• Ndaloni në të djathtë të karrexhatës nëse është mundësia;
• Përdorni mjetet e ndihmës së parë;
• Largimi nga vendi i ngjarjes, rrezikon ndalimin dhe arrestimin e menjëhershëm, përveç pezullimit të lejes së drejtimit.
Ndërkohë polcia kërkon nga drejtuesit e mjeteve që të evitojnë përdorimin e alkoolit gjatë drejtimit dhe të tregojnë kujdes maksimal për të evituar përfshirjen në aksidente dhe ngjarje rrugore.
