Moti i keq, pezullohet lundrimi. Ndalohet dalja në det e mjeteve të vogla në Vlorë dhe Durrës

Kushtet e përkeqësuara atmosferike kanë prekur edhe qytetet bregdetare të Durrësit dhe Vlorës.

Për shkak të lartësisë së dallgëve, kapiteneritë kanë marrë vendimin që të ndalojnë daljen në det të mjeteve të vogla lundruese.

Ndalimi i lundrimit për peshkarexhat do të jetë në fuqi deri pasditen e së martës.

Ndërkohë, anijet e transportit ndërkombëtar detar do të vazhdojnë të operojnë normalisht, sipas destinacioneve përkatëse.