Erërat e forta dhe shiu i dendur kanë përfshirë Greqinë, duke shkaktuar përmbytje edhe dëme të mëdha materiale.
Situata më problematike është në zonën bregdetare të Patras – Pirgos, ku uji i detit vërshoi duke përmbytur rrugët, bizneset edhe shtëpitë private.
Niveli i ujit arriti deri në gjysmë metri.
Dëme materiale llogariten të jenë të mëdha. Si pasojë e motit të keq, shumë anije kanë pezulluar lundrimin dhe janë ankoruar me urgjencë.
Erërat e forta shkulën pemë edhe çati, të cilat ranë në rrugën kombëtare të Prevezës Igumenicës, duke bllokuar qarkullimin rrugor.
Probleme janë krijuar edhe në linjat e trageteve, për shkak të erërave të forta.
Autoritetet kanë paralajmëruar se edhe në ditët në vijim moti do të jetë i paqëndrueshëm, ndërsa i kanë bërë thirrje qytetarëve të reduktojnë lëvizjet në këto zona.
