Moti i pazakontë ka goditur Italinë verilindore duke shkaktuar stuhi të forta breshëri. 18 persona janë plagosur, mes tyre edhe një grua shtatzënë.
Në Pescara dhe në një pjesë të bregdetit Abruzzo breshëri i cili sipas banorëve mund të krahasohet me madhësinë e një kokrre portokalli, ka shkaktuar dëme të konsiderueshme materiale.
Xhamat e makinave janë thyer, kulmet e shtëpive janë dëmtuar dhe gjithashtu ka patur trafik të rënduar. Situata raportohet kritike edhe në spitale për shkak të përmbytjes së kateve të para. Kuzhinat, farmacitë dhe parkingjet janë jashtë funksionit. Edhe në bujqësi janë regjistruar dëme të mëdha.
Moti i ashpër që ka përfshirë vendin fqinj vjen pas ditëve të nxehta me temperatura ekstreme deri ne 42 gradë celsius.
