Mandate mëkati dhe krimi i konsideron ish lideri i PD, Sali Berisha, bashkitë e fituara nga Partia Socialiste më 14 maj.
Në emisionin Quo Vadis në Vizion Plus, Berisha thekson se ai paraqiti një alternativë që Shqipëria e kishte të nevojshme, ndaj sipas tij alternativa që ai ofron është e duhura.
Në të njëjtën kohë ai paralajmëroi protesta duke thënë se mosbindja civile është e shenjtë.
“Ata janë mandatet e mëkatit dhe ne do i bëjmë të qartë çdo qytetari shqiptarë se ata janë mandate krimi dhe mëkati. Do të përpunojmë alternativën më tërheqëse për ta, duan një kohë gjërat. E ka thënë Mahatma Gandhi mosbindja civile është e shenjtë”, thotë ai. “Kemi programin më të shkëlqyer që ky vend mund të kishte pasur ndonjëherë dhe e kemi me seriozitetin më të madh”m thotë ai.
Berisha fajësoi kryeministrin Rama dhe qeverinë e tij se ka rrënuar ekonominë e vendin në kurriz të të varfërve.
“Po të shohësh Shqipërinë, e zëmë rritja 5% por rriten të pasurit, të varfërit shkojnë edhe më keq nëse ti si qeveri nuk shpërndan, nuk merresh me shpërndarjen e rritjes ekonomike ajo çon në pasurimin e të pasurve dhe varfërimin e të varfërve”, shton ai duke e konsideruar si parim çnjerëzor.
Situata në të cilën ndodhet vendi, sipas Berishës do të sjellë dhe protesta në vazhdim.
