Tre persona kanë përfunduar në pranga paraditen e kësaj të shtune, dy prej të cilëve janë mjekë në spitalin e Traumës në Tiranë.
Kirurgu ortoped Serdi Memini dhe anestezisti Ervin Sulaj, dyshohet se kanë marrë një shumë parash për një ndërhyrje kirurgjikale.
Policia sqaroi se dy mjekët operuan djalin 17-vjeçar, i cili mbeti i plagosur ne gju në masakrën e Velipojës. Babai i të miturit besohet t’i ketë dhënë kirurgut dhe anestezistit 377 mijë lekë dhe 55 euro, të cilat më pas janë sekuestruar në cilësinë e provës materiale.
Të tre të arrestuarit akuzohen për “korrupsion aktiv dhe pasiv të personave që ushtrojnë funksione publike”.
