Audrey Glover do të jetë shefe e misionit të ODIHR-it që do të monitorojë zgjedhjet lokale të 14 majit.
Misioni pritet të mbërrijë pasnesër dhe do të nisë nga takimet me institucionet që kanë si detyrë përgatitjen e zgjedhjeve si dhe me partitë politike.
Shefja e misionit të odihr Audrey Glover është një figurë e njohur në Shqipëri, pasi ajo ka vëzhguar me parë 4 beteja elektorale në vendin tonë.
Glover ka qenë shefe e misionit të ODIHR në zgjedhjet e vitit 1996, dhe asokohe raporti përfundimtar i odihr u shoqërua me akuza të ashpra nga Sali Berisha.
Në 2009 Audrey Glover u caktua sërish në krye të misionit të ODIHR dhe Berisha, asokohe kryeministër, tentoi pa sukses zëvendësimin e saj.
Pas raportit për zgjedhjet e 2009, Berisha ndryshoi qëndrim ndaj zonjës Glover dhe nuk ka pasur më kritika ndaj saj.
Audrey Glover ka qenë shefe e misionit të ODIHR edhe në zgjedhjet e vitit 2015 dhe në zgjedhjet e vitit 2019, të cilat opozita i bojkotoi.
