Fitore mes drithërimash ne javën e pare te kampionatit francez për kampionet e Monako. Ne Luigji i Dyte, skuadra e Principatës arriti te fitonte me vështirësi, duke përmbysur shifrat 3-2 përballe Tuluzes. Ishin ne fakt miqtë, te cilët surprizuan jo pak kur ne minute e 6 zhbllokuan shifrat me Mashah.
Skuadra e teknikut Jardim e gjitha ne sulm dha pas disa rasteve me Falkao e Mbape ishte Jemersnon qe ktheu gjithçka ne baraspeshe ne minute e 20-te. Pas nje pjese te pare te barabarte, me fillim e se dyte përsëri Tuluze kaloi ne epërsi, kur Delort ne minute e 53 shënoi golin e dyte, duke mposhtur portierin Subasic.
Gjithsesi avantazhi i miqve zgjati vetëm 5 minuta, pasi Falkao i harruar nga mbrojtja shënoi golin e barazimit. Te zotet e shtëpisë ju duhej te prisnin deri ne minute e 70, kur zgjidhja per fitoren erdhi nga mbrojtja me polakun Glik qe shënoi golin e trete. Deri ne fund Monako vuajti presionin e Tuluzes, por arriti te administroje rezultatin ne ketë jave te pare te kampionatit, duke rrëmbyer tre pike përpara tifozëve te saj
