Presidenti Ilir Meta ka publikuar paraditen e kësaj të diele një video, në të cilën shfaqet duke kënduar “Moj e bukua more”, së bashku me komunitetin Arbëresh në Itali.
Nëpërmjet një postimi në Facebook, kreu I shtetit shkruan se kjo këngë prej 600 vjetësh mbetet ende e gjallë falë dashurisë së madhe të Arbëreshëve, për Shqipërinë dhe identitetin tonë kombëtar.
“Me urimin për një të diel të qetë, ju përshëndes të gjithëve me këngën e bukur dhe ndoshta më të vjetër shqiptare “O e bukura More”, që prej gati 600 vjetësh mbetet e gjallë falë dashurisë së madhe, të përjetshme dhe frymëzuese të Arbëreshëve, për Shqipërinë dhe identitetin tonë kombëtar”, shkruan Meta.