Mobileria shkrumbohet nga flakët, panik në tregun industrial të Durrësit

Një dyqan mobilerie është përfshirë nga flakët para pak minutash në qytetin e Durrësit.

Dyqani gjendet pranë tregut industrial të qytetit, në katin e dytë të një ndërtese pranë rrugës kryesore.

Një automjet i stacionit zjarrfikës ka mbërritur në vendngjarje dhe ka shuar flakët duke mos lejuar përhapjen e zjarrit në një zonë më të madhe.

Zjarri është vënë shumë shpejt nën kontroll, ndërkohë që janë regjistruar dëme materiale.

Ende nuk dihet shkaku i rënies së zjarrit, por grupi hetimor i ekspertëve të policisë së rendit dhe stacionit zjarrfikës po punojnë për zbardhjen e ngjarjes.