Mjeku Tritan Kalo e cilëson mbajtjen e maskës si një nga masat për të pakësuar rrezikun e përhapjes së koronavirusit.
Në një video-mesazh të publikuar nga ministrja e Shëndetësisë, Kalo thekson se maska pakëson sasinë e depërtimit të virusit në organizmin tonë.
“Problemi është për të mbyllur mundësinë e përhapjes së infeksionit në popullatë. Dhe një nga këto mënyra për të mbyllur, ose për të pakësuar rrezikun e infeksionit, është pikërisht mbyllja e hyrjes së mikroorganizmit që quhet Sars-Cov 2 në rrugët tona të sipërme respiratore dhe mbajtja e një maske ose një mbulese të këtyre vijave për të pakësuar sasinë e dëpërtimit të virusit në organizmin tonë”, thotë Prof. Kalo në mesazhin e tij.
