Covid-19 ka mbyllur repartin e kirurgjisë në spitalin Bashkiak Mat. Mësohet se mjekët kirurg kanë rezultuar pozitiv me koronavirus, çka ka detyruar NJVKSH të mbyllë repartin e kirurgjisë dhe të nisë testimet për personelin tjetër. Burime thonë se pozitiv ka rezultuar edhe mjeku Otorinolaringolog, por të gjithë mjekët janë në gjendje stabile dhe pa komplikacione.
Mjekët janë izoluar në banesat e tyre dhe po ndjekin udhëzimet e nevojshme.
Ndërkohë në Bashkinë e Klosit këtë të hënë kanë rezultuar 9 të infektuar me Covid-19, duke e bërë këtë zonë të nxehtë për momentin.
