Vrasje e 39-vjecarit shqiptar në Itali, Bledar Dedja nga një i mitur, fsheh ende shumë të pathëna. Mediat italiane kanë zbuluar detaje, por sërish ngjarja duket se “mbulohet” nga misteri.
Takim i fundit mes 39-vjecarit, Bledar Dedja dhe 17-vjeçarit rezultoi fatal. Ky i fundit e goditi të paktën 20 herë me thikë, duke mos i lënë asnjë shans të mbijetonte nga sulmi.
Lexo edhe :
Related Posts
Siç bënte prej një viti, viktima kishte telefonuar të mitur për të lënë takimin e radhës, ku do të kryenin marrëdhënie seksuale në këmbim të parave.
Por, ndryshe nga se kishte ndodhur më herët, 17-vjeçari zgjodhi ta vriste.
Para hetuesve ai ka “kyçur gojën”, teksa avokatja argumenton se ai është ende i tronditur nga gjithçka ka ndodhur.
“Është i tronditur dhe i mërzitur”, ka deklaruar avokatja e adoleshentit, Elisa Berton.
Po ashtu, ajo theksoi se historia është shumë më e detajuar dhe komplekse nga sa duket.
Ditën e krimit, 17-vjeçari u fiksua në pamjet e disa prej kamerave të sigurisë të rrugës në sheshin në Paderno del Grappa, ku ishte edhe vendtakimi me viktimën.
Më pas të dy janë filmuar teksa udhëtuan me Mercedesin B-Class të 39-vjeçarit drejt pyllit.
Pas vrasjes, adoleshenti ka zhdukur thikën, teksa çelësat e makinës së viktimës dhe disa rroba të lyera me gjak, janë gjetur pranë vendngjarjes.
Referuar dinamikës së ngjarjes, shqiptari duket se ka tentuar të vetëmbrohet dhe kundërpërgjigjet, pasi edhe i mitur ka pësuar lëndime nga prerja me thikë në dorë.
Pas vrasjes, ai është larguar në këmbë në Via Dei Carpini, ku është filmuar nga një kamera e dytë sigurie teksa i bënte autostop automjeti (i cili është sekuestruar për hetim), që e ka dërguar deri në stacionin e autobusit.
Ky është dhe momenti i fundit ku shfaqet adoleshenti, deri në momentin që është shfaqur për të kërkuar ndihmë mjekësore.
17-vjeçari italian vjen nga një familje profesionistësh, dhe është njohur me 39-vjeçarin rreth një vit më parë në restorantin në Borso del Grappa, ku punonte shqiptari.
Ai dyshohet se ishte përfshirë në një rrjet prostitucioni djemsh edhe vajzash, ku bënin pjesë edhe të mitur. Mediat italiane shkruajnë se i mituri po përpiqej të dilte nga ky rrjet.
Provat janë gjetur brenda celularit të dytë të Bledar Dedjës, i cili bënte jetë të dyfishtë, i përdorur për organizimin e takimeve seksuale, të dhëna të cilat tashmë do të shqyrtohen nga hetuesit./vizionplus.tv/
