Ministria e Shëndetësisë raportoi këtë të mërkurë për 446 raste të reja me koronavirus dhe 15 qytetarë që kanë humbur jetën.
Viktimat ishin të moshave 40-85 vjeç, kurse të infektuarit u zbuluan pas testimit të 2.997 qytetarëve. Numri i të shëruarve në orët e fundit është më i lartë se i rasteve të reja.
Këtë të mërkurë u raportua për 744 qytetarë që kanë fituar betejën me COVID-19. Në spitalet COVID po trajtohen 440 pacientë, 33 në terapi intensive, nga të cilët 15 pacientë janë të intubuar.
