Ministria e Shëndetësisë raportoi këtë të mërkurë për 851 raste të reja me koronavirus dhe 21 humbje jete. Të infektuarit u zbuluan pas testimit të 3.149 qytetarëve.
Sipas njoftimit, qytetarët që kanë humbur jetën janë të moshave 42-94 vjeç. Nga ana tjetër, numri i të shëruarve është më i lartë se ai i rasteve të reja.
Në 24 orët e fundit kanë fituar betejën me sëmundjen 903 qytetarë. Ndërkohë, në spitalet COVID po marrin trajtim 606 pacientë, 42 prej të cilëve në terapi intensive dhe 10 në intubim.