Ministria e Shëndetësisë: 18 viktima dhe mbi 1 mijë raste të reja me koronavirus
Gjatë 24 orëve në Shqipëri janë konfirmuar 1.075 raste të reja me koronavirus, ndërsa kanë humbur jetën 18 pacientë. Të infektuarit u zbuluan pas testimit të 3.901 qytetarëve.
Kurse qytetarët që nuk mbijetuan dot ishin të moshave 39-84 vjeç. Në 24 orët e fundit janë shëruar 890 qytetarë, sipas Ministrisë së Shëndetësisë. Ndërsa në spitalet COVID po trajtohen 585 pacientë, 37 në terapi intensive nga të cilët 12 pacientë janë të intubuar.
Ministria e Shëndetësisë dha detaje edhe për procesin e vaksinimit, duke njoftuar se këtë të mërkurë u vaksinuan 612 bluza të bardha dhe të moshuar.
Që nga fillimi i vaksinimit, e kanë marrë dozën e parë të vaksinës 1693 persona, 620 mjekë dhe infermierë kanë marrë dozën e dytë dhe në total janë kryer 2313 vaksina anti-COVID.
