Ministria e Shëndetësisë: 1.112 të infektuar dhe 17 viktima

Ministria e Shëndetësisë raportoi këtë të enjte për 1.112 raste të reja dhe 17 viktima nga koronavirusi.

Numri më i madh i të infektuarve u regjistrua në Tiranë, me 392 raste të reja. Pacientët që humbën jetën ishin të moshave 43-79 vjeç.

Në 24 orët e fundit janë shëruar 991 qytetarë, kurse në spitalet COVID po marrin trajtim 594 pacientë. Nga këta, 36 janë në terapi intensive dhe 12 të intubuar.