Muhamet Rrumbullaku tashmë zyrtarisht është drejtori i ri i policisë së shtetit. Pas mbledhjes së qeverisë, ministri Çuçi njoftoi emërimin e tij duke e vlerësuar si një oficer  karriere dhe një drejtues të rëndësishëm në kupolën e policisë.

 

Sot Këshilli i Ministrave emëroi drejtorin e ri të Përgjithshmë të Policisë së Shtetit zotin Muhamet Rrumbullaku. Ai është një oficer karriere i policisë së shtetit. Zoti Rrumbullaku mban gradën e drejtuesit të parë në piramidën e policisë së shtetit dhe plotëson të gjitha kushtet për të qënë drejtor i përgjithshmë i policisë.

 

I pyetur nga gazetarët në lidhje me deklaratën e Gledis Nanos, i cili tha se brenda radhëve të policisë ka patur dekonspirime për operacione ku Çuçi u shpreh se do të ketë hetime serioze, ku llogari do të japë edhe vetë ish-drejtori i përgjithshëm i policisë së shtetit.

 

Është shqetësuese, por edhe pjesë e punës së përditshme që ka Policia e Shtetit për të pastruar radhët e Policisë së Shtetit. Në lidhje me deklaratën e Gledis Nanos, kur nuk e di drejtori i policisë, vështirë se do të dijë ministri këtë gjë. Është në hapësirën e informacionit që ka drejtori i Policisë. Do ta thellojmë hetimin dhe do të përfshihet edhe ish-drejtori i policisë së Shtetit, për të shkuar drejt zbardhjes së të vërtetës dhe për të hetuar çdo kënd që dekonspiron operacionet e policisë.

 

Në intervistën e parë dhe të fundit si drejtues i policisë së shtetit, Gledis Nano për mediat franceze tha se 14 persona arritën ti shpëtonin arrestimit, pasi u informuan nga brenda strukturave policore. Nano iu referua operacionit  “Plumbi i Artë”  ku u lëshuan 32 urdhra arresti e vetëm 18 u zbatuan. Në mesin e atyre që arritën te shpëtonin ishte edhe Ervis Martinaj, fati i të cilit tashmë nuk dihet.

Leave a Reply

Your email address will not be published.