Ministrat e Jashtëm të G7 janë takuar pasditen e sotme për të diskutuar për Ukrainën. Takimi po zhvillohet në Quebec në bregun lindor të Kanadasë.
Ministrja e Jashtme e Kanadasë Melanie Joly, e cila hapi bisedimet, tha “ne të gjithë duam të shohim paqe në Ukrainë”, duke shtuar se ajo shpreson të gjejë mënyra përmes të cilave grupi mund “të vazhdojë të mbështesë Ukrainën përballë agresionit të Rusisë”.
Sekretari amerikan i Shtetit Marco Rubio ka thënë se nuk dëshiron që G7 të përdorë gjuhë “antagoniste” ndaj Rusisë.
Ndërkohë që ministrat e G7 janë takuar në Quebec, presidenti i Rusisë Vladimir Putin ka zhvilluar një konferencë për mediet./vizionplus.tv
