Një ditë pas vdekjes së një minatori në Bulqizë, policia vuri në pranga një 61-vjeçari.
Ky i fundit, me detyrë armator në një subjekt minerar, u arrestua sepse akuzohet se nuk ka kryer vazhdimisht kontroll të gjendjes teknike të galerisë.
Për të njëjtën ngjarje u procedua penalisht edhe një 50-vjeçar.
Policia thotë se minatori 49-vjeçar humbi jetën në një nga nënkatet e subjektit minerar sepse u shemb një pjesë armature.
