Ajo ndihet shumë e dëshpëruar për rezultatin e zgjedhjeve presidenciale. Pasi Donald Trump u zgjodh Presidenti i 45 i SHBA, Miley, një mbështetëse e flaktë e Bernie Sander dhe Hillary Clinton ka realizuar një video, të cilën e ka ndarë me fansat e saj në Twitter.
Në një dhomë me pak ndriçim, me lotët që i rridhnin në fytyrë ajo ka thënë: “Kështu, ndoshta si shumica e njërëzve të mirë, ndoshta dhe jo, por duke parë rezultatin… Ndoshta unë jam realisht ndryshe dhe ndoshta shumica e njerëzve prej të cilëve jam e rrethuar mendojnë me mendje dhe zemër të hapur, siç unë po bëj. Dhe dua të them se kam mbështetur më gjithë zë këdo, përveç Trump. E flaktë në mbështetjen time për Bernie. E flaktë në mbështetjen time për Hillary dhe unë akoma vazhdoj të mendoj se ajo duhet dhe meritonte të ishte Presidentja e parë femër e Amerikës, dhe kjo më bën më shumë të dëshpërohem.”
