Skuadra e Milanit duket se mund të humbasë yllin e saj të skuadrës spanjollin Suso.
Suso është një prej lojtarëve që po spikat më shumë te Milani gjatë këtij sezoni.
Sulmuesi ka shënuar 4 gola në 10 ndeshjet e këtij edicioni në Seria A, ndërkohë që ka dhënë dhe 7 asiss.
Duke parë këto statistika të frikshme të sulmuesit, ekipe si Reali i Madridit, Çelsi e Atletiko Madrid janë hedhur në sulm për të marrë shërbimet e lojtarit.
Kjo për faktin edhe të klauzolës së lirë që ka sulmuesi i Milanit, krahasuar me shifrat që po qarkullojnë në merkato.
Çdo skuadër jashtë Italie mund ta marrë 24-vjeçarin nëse depoziton 40 milionë euro në arkën e kuqezinjve.
Sipas mediave italiane, Florentino Perez presidenti i Realit te Madridit ka shprehur dëshirën për ta pasur sulmuesin spanjoll në ekipin e galaktikëve.
Në ndeshjen e fundit ai kishte dërguar një agjent për ta ndjekur nga afër spanjollin.
Ndërkohë, duket se Milan në merkaton e janarit mund të humbasë shërbimet e sulmuesit nëse ky I fundit shpreh dëshirën për tu larguar drejt një ekipi tjetër.
