Besimtarët ortodoksë kanë kremtuar ringjalljen e Krishtit. Festimit të Pashkës i ka paraprirë mesha tradicionale e mbajtur ne Katedralen e Madhe “Ngjallja e Krishtit” ne kryeqytet.
Me mijëra besimtarë ndoqën meshën e drejtuar nga kreu i Kishës Ortodokse Autoqefale shqiptare, Fortlumturia e tij Anastas Janullatos. Kryepeshkopi u shpreh se drejtësia do te triumfoje mbi padrejtësinë dhe e vërteta mbi gënjeshtrën.
Besimtarët ortodoksë kanë uruar për më shumë paqe, shëndet dhe lumturi.
Në përfundim të meshës së shenjtë, besimtarët ortodoksë kanë marrë qirinjtë e ndezur dhe janë drejtuar shtëpive, duke marrë me vete simbolin më të rëndësishëm të festës, dritën e Krishtit.