Presidenti i Republikës, Ilir Meta zhvilloi këtë të hënë një takim me Komisionerin e Lartë për Pakicat Kombëtare të OSBE. Ai e falenderoi zyrtarin e lartë për mbrojtjen e pakicave kombëtare në Shqipëri.
“Kënaqësi të takohesha sot me Komisionerin e Lartë për Pakicat Kombëtare të OSBE-së, z.Lamberto Zannier, një personalitet i shquar i diplomacisë europiane. Pata një shkëmbim të frytshëm mendimesh rreth zhvillimeve rajonale e më gjerë. Shprehëm gadishmërinë për të forcuar bashkëpunimin përgjatë vitit të Kryesisë Shqiptare të OSBE-së. E falenderova për mbështetjen e Zyrës së tij në përmirësimin e kuadrit ligjor për mbrojtjen e pakicave kombëtare në Shqipëri.”
