Presidenti Ilir Meta nuk i kursen sulmet as ndaj ndërkombëtarëve. Kreu i shtetit ka reaguar në mënyrë indirekte, por krejtësisht të kuptueshme dhe agresive ndaj ambasadës se SHBA në Tiranë e cila i kishte konsideruar votimet e së e dielës, paqësore.

 

Presidenti shpërndau një postim të ish ministrit të Drejtësisë dhe bashkëpunetorit të tij të ngushtë tek LSI, Ylli Manjani, një shkrim me doza të forta kritike dhe ironie.

 

Mes të tjerash Manjani shkruan se ambasada ia futi sërish kot për deklaratën mbi procesin zgjedhor, sikurse ka bërë kohet e fundit.

 

Manjani thotë se SHBA nuk e kanë fare idene që ligishmërine e zgjedhjeve monopartiake nuk e sqaron Kushtetuesja por kolegji zgjedhor. Kushtetuesja sipas tij gjykon ligjshmërine e dekreteve të Metës, por edhe për këtë gjë duhet të pritet kohë e gjate pasi kushedi kur ajo ngrihet.

 

E deri atëherë Rama do i këtë ligjeruar rrëmbimin e zgjedhjeve lokale. Në fund Manjani i kërkon amerikaneve të mos tallen më me Shqipërinë.

 

Ky reagim i Metës vjen pas qëndrimit strikt amerikan për zhvillimin e zgjedhjeve në 30 qershor ndryshe nga vendimi i presidentit për ti shtyrë në 13 tetor.

“Shumë faleminderit ambasadës se USA për deklaratën mbi votimet një partiake.

Si gjithmonë edhe këtë herë, nuk ngurroi tja fuste kot!

Po kot fare!

Se si do ti gjykojë Gjykata Kushtetuese legjitimitetin e këtyre votimeve një dreq e di!

Nuk po them se kur do të mund të gjykonte se kjo dihet që ska për të ndodhur shpejt. Nuk e di a e di Ambasada që nuk ka ende gjykatë në këmbë dhe sikur nesër të fillojë puna për ringritjen e saj do të duhen të paktën 2 muaj, për të bërë një gjysëm gjykate.

Se gjykata e plotë nuk bëhet dot pa u ngritur më parë gjykata e Lartë.

Pastaj, një dreq e di sa muaj do të duhen për të shqyrtuar një padi eventuale, padi të cilën vetëm po e paraqiti prap Idajet Beqiri se ska kush tjetër. Opozita është përjashtuar me vendim kolegji nga këto zgjedhje.

Le pastaj që legjitimitetin e votimeve, ka kohë që nuk e shqyrton Gjykata Kushtetuese, që pas ndryshimeve të vitit 2003 në Kodin Zgjedhor.

Legjitimitetin e votimeve e gjykon Kolegji Zgjedhor, në terma shumë strikte ligjore dhe përsëri me ndonjë padi të zotit Idajet.

Të vetmen gjë që mund të gjykojë gjykata Kushtetuese, pas ngritjes së saj,qoftë dhe gjysmake janë dekretet e Presidentit. Gjykimi mbi këto dekrete do të fokusohet strikt në nevojën për ti dhënë një interpretim përfundimtar me efekt në të ardhmen dhe jo me efekte për këto votimet e partisë shtet.

Edhe këtë gjykim do të mund ta bënte nëse Edi Rama çon deri në fund marrëzinë e shkarkimit të Presidentit. Pra do jetë një gjykim indirekt.

Ndërkohë, deri sa të ndodhin këto gjëra Edi Rama ka konsumuar plotesisht rrëmbimin e pushtetit lokal pa vota.

Kështu që mesazhi i ambasadës nuk ka vlerë as deri nesër në mëngjes, jo më për kohë më të gjatë.

Nëse janë të gënjyer nga pushteti monist se do ju krijojë gjykatën, nuk mund të gënjehemi dot ne që jemi përfitues direkt prej asaj gjykate. Gjykatë e cila NUK DUHEJ MBYLLUR PËR ASNJË MINUTË!

Ndaj duke i falenderuar pa masë, i lutem që të paktën të mos tallen me ne!

Boll më!

P.S. nuk po ndalem fare tek vlerësimi tepër i lartë, që Ambasada i bën numërimit të votave ku po bëhet kërdia duke vjedhur!!!!

Dhe meqë ra fjala ODIHR nuk kishte ende informacion për këtë çështje.

Leave a Reply

Your email address will not be published.