Presidenti Meta dhe legjenda e kombëtares, Rudi Vata kanë përuar Klubin e Mbështetësve të Celtik-ut
Presidenti Ilir Meta përuroi mbrëmjen e kësaj të enjteje në zonën e ish-Bllokut në Tiranë themelimin e “Celtic Supporters Club Albania”.
Në praninë e shumë tifozëve shqiptarë, së bashku me ish-kapitenin dhe legjendën e Kombëtares shqiptare të Futbollit, Rudi Vata, i cili ka luajtur me Celtic FC, me ambasadorin e Britanisë së Madhe, Duncan Norman, si dhe me legjendat e tjera të futbollit shqiptar, kreu i shtetit shpalli krijimin e “Celtic Supporters Club Albania”.
“Me këtë rast Presidenti i Republikës vuri në dukje: Celtic Supporters Club Albania duhej të ishte e hapur pikërisht në këtë ditë pasi një vit më parë, më 9 korrik 2019, gjatë një vizite zyrtare në Sarajevë, unë takova një grup të mrekullueshëm të tifozëve të Celtic FC përpara ndeshjes me Sarajevo FC. E kisha ndjekur prej shumë vitesh Celtic FC, për shkak të madhit tonë Rudi Vata, por pasioni i atyre tifozëve më mahniti dhe që prej asaj kohe unë e kam ndjekur me shumë fanatizëm Celtic FC. Është e mahnitshme se si futbolli lidh njerëzit dhe vendet. Dhe ja ku jemi sot, Skocia, e njohur që herët si Alba, ashtu si Shqipëria vendi im, dy vendet e shqiponjave, të malësive të mrekullueshme, të njerëzve mikpritës, tashmë janë bashkuar edhe më shumë.
Ai tha se Celtic FC ka një domethënie të madhe për të dhe se kjo skuadër do të thotë për të “solidaritet, socializim, bashkësi, besnikëri, integritet, miqësi. Për të mos ecur kurrë vetëm.”
“Në këtë ditë historike për Mbështetësit e Celtic në Shqipëri dërgoj përshëndetjet e mia për të gjithë lojtarët e klubit dhe menaxherin, për të gjithë ekipin dhe të gjithë mbështetësit në Celtic Park, në Mbretërinë e Bashkuar, Skoci, dhe në mbarë botën. Hail Hail. Ten in a row”
