Presidenti i Republikës Ilir Metaështë takuar këtë të martë me kryetarin e Partisë Demokratike Shqiptare të Maqedonisë, Menduh Thaçi, ku kanë biseduar për situatën në Maqedoni dhe referendumin që pritet t’i japë fund problemeve me Greqinë.
Kreu i Shtetit vlerësoi qasjen pozitive të Qeverisë së Maqedonisë për reformat gjithëpërfshirëse si dhe kontributin e rëndësishëm të faktorit politik shqiptar në këto procese jetike.
“Faktori politik shqiptar në Maqedoni ka një rol të pazëvendësueshëm për integrimin e vendit. Maqedonia është në një moment tepër të favorshëm dhe optimist pas zgjidhjes së kontestit me Greqinë”, tha Presidenti. Ai iu bëri thirrje shqiptarëve të Maqedonisë të marrin pjesë në referendumin e 30 shtatorit. “Shqiptarët në Maqedoni të votojnë “Pro” të ardhmes së sigurt europiane të vendit”.
